[bouncer]up緊,就快得

發表失敗
發表失敗
原因: 確定
極端的年代 60日
重溫舊貼

【常威考証】大清亡國關我老母蛋牛治
https://m.hkgolden.com/view.aspx?message=6835958&page=1

【常威中史】大清亡國關我老母蛋牛治2
https://m.hkgolden.com/view.aspx?message=6885326&page=1

【常威中史】大清亡國關慈禧蛋牛治 3
https://m.hkgolden.com/view.aspx?message=6928986&page=1

【常威中史】大清亡國關我老母蛋牛治 4
https://m.hkgolden.com/view.aspx?message=6970625&page=1

【常公子近代史】大清亡國關我老母蛋牛治 5
https://m.hkgolden.com/view.aspx?message=7007456&page=1

[img]https://upload.cc/i1/2019/04/17/Zc6VYd.png[/img]

【常威近代史】(二百一拾三回)
袁世凱平反系列

革命黨在出場之前,仲有單綴核嘢要同大家分享。話說1905年,北京開咗間叫「貴胄學堂」,由政府主辦專係俾滿洲權貴子弟入讀嘅「貴族大學」,佢嘅設備同規格都高於北京任何一間學堂,其建築設施可以同日本帝國大學媲美,我哋嘅攝政王載澧就係貴胄學堂第一屆62個王公子弟嘅其中一個學生,1909年載灃PHD畢業,就由佢個仔三歲嘅末代皇帝溥儀手中,接過畢業文憑。

可惜呢間貴族大學虛有其表,教師質素好低,學生質素更低,後世研究,佢嘅課本水平大概係小學三年班到六年班(!)。滿清皇朝嗰班貴族恩人,佢老母真係生出嚟獻世就係咁解。

1908年底,慈禧歸西,大清帝國失去中流砥柱,加上攝政王載灃1909年1月炒埋袁世凱,革命黨人見kai子當政,仲唔比力發爛咩?

其實由1907年開始,同盟會見慈禧就快瓜得,佢哋喺中國境內已經發動咗多場小規模農民起義。指揮軍事行動嘅係真國父黃興,我哋嘅第二號國父孫文仍然遊歷於歐洲美洲,努力發行債券,向全世界華橋籌募革命經費。其實佢唔係奪命書生,應該叫奪命籌款書生。

或者首先同大家講吓孫文口中嘅「十次革命」係乜?(其實好多都講過,舊事重提)
極端的年代 60日
第一、第二次革命係同盟會成立之前,分別係1895年嘅廣州起義,同1900年嘅惠州起義。其餘嘅八次,分別係指1907年到1911年間發生嘅起義活動。

第三次革命係指1907年5月22號嘅潮州黃岡革命。

第四次革命係1907年6月6號,響惠州附近嘅七女湖革命。

第五次革命係指1907年9月17號發生喺廣西安南接壤嘅欽州地區。

第六次革命係1907年12月1號,地點亦都係廣西欽州,依一次革命係孫文唯一一次正式參與嘅革命,亦都係佢至1895年離開清國之後,第一次踏足清國國境,佢響廣西欽州境內逗留咗一晚,就返番河內(越南);下一次佢返嚟嘅時候,已經係1911年辛亥革命發生之後。

第七次革命發生係1908年3月27號,黃興組織咗一支200人嘅武裝力量,由河內進入廣東省西南部,轉撲廣西省東南地區,黃興嘅武裝力量曾經由200人變成600人,但之後唔能夠維持,革命軍士氣低落後解散……

第八次革命發生喺1908年4月29號雲南省河口市,由於河口市同安南河內接壤,當時只有300個清兵(民兵)駐守,革命黨人唔使一日就佔領河口市,而且河口督辦被殺,附近各營清兵相繼投誠,呢次突如其來嘅勝利,令到革命黨增加咗3000多個士兵,亦出現咗前所未有嘅光明前途,當時負責指揮嘅胡漢民(1879-1936)戰略係,利用河口市作起點,攻佔整個雲南作為革命基地。好可惜當真國父王興嚟到現場嘅時候,發現所有人都唔向左走向右走係路,完全冇革命精神,只係一批烏合之眾,加上之後法國人干預(當時嘅安南,即今日嘅越南係法國殖民地),於是革命行動又無聲結束。

上述所講嘅八次革命,其實規模都好細,亦祇不過係喺幅員廣大清帝國邊陲地區所發動嘅短時間小型武裝起義,佢哋嘅重要性係比後來革命黨吹大咗幾千萬倍。你可以想像,如果清帝國係一個人,上述嘅八次革命事件,就好似一隻蟻咬嗰個人嘅腳趾尾八嘢一樣,實際上係冇關痛癢。孫民口中嘅八次革命,宣傳效力遠遠大於實際成果。

如果mean啲講句,上述嘅革命只不過係有人同金主收咗錢,要話比金主知我真係做咗啲嘢,間公司好快就可以響主板上市,唔該繼續泵水俾我。事實上,當時同盟會嘅財源已經枯竭,孫民同汪精衛喺世界各地嘅籌款活動亦都唔成功,我哋嘅真國父黃興,更加孭到一身債,要借貴利過活。

世事真係好奇怪,如果慈禧太后死遲幾年,或者攝政王載灃唔炒袁世凱,或者冇保路運動。所謂革命黨同盟會,其實響1909年中左右,已經宣佈全部玩完,孫文黃興胡漢文汪精衛等名字,亦都永遠唔會有人記得起。

下次繼續……

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》實體書全城上架,請大家捧場!

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
極端的年代 60日
[img]https://upload.cc/i1/2019/04/16/mbnKjF.png[/img]

【常威近代史】第二部《中國一百年前的第一次改革開放》實體書正式上架!

請大家支持我常公子的近代史寫作計畫,Facebook專頁、Youtube、電子書、實體書,我希望用唔同嘅新媒體,令香港人或用粵語為母語嘅朋友認識或加深對近代史嘅認識,過程會好艱辛,但係我唔向左走向右走怕,我會努力落去,直至寫到王光美接劉少奇骨灰為止,我會用我嘅母語廣東話,寫下香港人眼中嘅近代史,為香港人響歷史上留下一個小小腳印。

請大家支持我,到書局買本實體書!download咗電子書嘅朋友,亦請多買幾本實體書,送禮自奉,大家一齊推廣香港人保存粵語文化運動!有你有我!高山流水,沒齒難忘!
錘仔幫大佬 60日
型爆搖滾風聯乘背囊
Eastpak x Raf Simons Poster Backpack 五三折 HK$784!
www.ssense.com
贊助網站
新高中出路 59日
新po 皮已正劉已明#kill#lm #kill#lm #kill#lm
極端的年代 59日
#yup# #yup# #yup#
極端的年代 59日
[img]https://upload.cc/i1/2019/03/26/yDaU2c.png[/img]
極端的年代 59日
【118回:大清亡國關 #羅織 蛋牛治】

「羅織」依一樣中國文化嘅獨有產物,源頭來自盛唐期間武則天手下嘅酷臣來俊臣,佢能夠將一件小事化大,將一個個無辜嘅人牽連入去,無辜者皆可被羅織捏造成謀反罪而至牽連誅九族。由一個人不斷株連其他人,越殺越多,就叫羅織。之後嘅朝代,亦都有「連坐」,同「保甲」制度,其實都係羅織嘅一種,簡單啲講,就係你鄰居殺咗人你就要坐監,親戚朋友犯咗法,自己都有罪。個人覺得,中國人嘅荒謬,喺呢度完全反映出嚟。另一種荒謬,就係女人紮腳。

大家有冇諗過中國男人點解要女人紮腳,三寸金蓮有美感?相信唔係原因,最大嘅原因係,要女人紮腳係要令佢哋缺乏行動自由,跑都跑唔快,行都行唔好,咁就冇可能四圍走去偷食去出軌。去到最後,就係父權主義作祟,大一統至高無上中央集權嘅體現。到咗今時今日,當然已經冇女人紮腳,但係所謂大一統中央集權嘅意識形態,就仍然根深蒂固。點解一國兩制行唔通?點解仲要講武統臺灣?無非都係所謂大一統中央集權意識作崇。將權力高度集中,其實就即係皇帝心態,唔肯下放權力比其他人,驚乜?驚有人作反,驚有人搞分裂,驚有人推翻自己,就係咁簡單。

美國行聯邦制,52個州分開自治,各有各做各有各玩,華盛頓聯邦中央政府只係處理國防同外交,而美國總統係透過全民投票民選出嚟,有高度認受性。好明顯係一個比較完善嘅民主制度,今時今日有唔少人話中國嘅政治制度浚駕美國,所以先可以取得重要嘅經濟成就,向公眾同年青人講呢啲嘢嘅人,其實應該被羅織。

【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上2000訂戶!打埋開口牌,各位上我條youtube channel睇片,唔該同我睇吓啲廣告,或者click入去兜個圈,畀我賺多少少廣告費,畀啲甜頭我同阿潮繼續經營一條全球廣東話近代史粵語頻道!多謝大家!

https://user35103.pics.ee/GTW5B

https://user35103.pics.ee/GTW5B

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
極端的年代 59日
【118回:大清亡國關 #羅織 蛋牛治】

「羅織」依一樣中國文化嘅獨有產物,源頭來自盛唐期間武則天手下嘅酷臣來俊臣,佢能夠將一件小事化大,將一個個無辜嘅人牽連入去,無辜者皆可被羅織捏造成謀反罪而至牽連誅九族。由一個人不斷株連其他人,越殺越多,就叫羅織。之後嘅朝代,亦都有「連坐」,同「保甲」制度,其實都係羅織嘅一種,簡單啲講,就係你鄰居殺咗人你就要坐監,親戚朋友犯咗法,自己都有罪。個人覺得,中國人嘅荒謬,喺呢度完全反映出嚟。另一種荒謬,就係女人紮腳。

大家有冇諗過中國男人點解要女人紮腳,三寸金蓮有美感?相信唔係原因,最大嘅原因係,要女人紮腳係要令佢哋缺乏行動自由,跑都跑唔快,行都行唔好,咁就冇可能四圍走去偷食去出軌。去到最後,就係父權主義作祟,大一統至高無上中央集權嘅體現。到咗今時今日,當然已經冇女人紮腳,但係所謂大一統中央集權嘅意識形態,就仍然根深蒂固。點解一國兩制行唔通?點解仲要講武統臺灣?無非都係所謂大一統中央集權意識作崇。將權力高度集中,其實就即係皇帝心態,唔肯下放權力比其他人,驚乜?驚有人作反,驚有人搞分裂,驚有人推翻自己,就係咁簡單。

美國行聯邦制,52個州分開自治,各有各做各有各玩,華盛頓聯邦中央政府只係處理國防同外交,而美國總統係透過全民投票民選出嚟,有高度認受性。好明顯係一個比較完善嘅民主制度,今時今日有唔少人話中國嘅政治制度浚駕美國,所以先可以取得重要嘅經濟成就,向公眾同年青人講呢啲嘢嘅人,其實應該被羅織。

【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上2000訂戶!打埋開口牌,各位上我條youtube channel睇片,唔該同我睇吓啲廣告,或者click入去兜個圈,畀我賺多少少廣告費,畀啲甜頭我同阿潮繼續經營一條全球廣東話近代史粵語頻道!多謝大家!

https://user35103.pics.ee/GTW5B

https://youtu.be/qW9uifU37WE

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
新高中出路 58日
#kill#lm #kill#lm #kill#lm
極端的年代 58日
[img]https://upload.cc/i1/2019/04/19/DQbUav.png[/img]

【常威近代史】(二百一拾四回)
袁世凱平反系列

1909年之後,同盟會內嘅革命成員似乎對武裝起義缺乏興趣。加上財政困難,嚟自日本嘅金主,亦都唔再泵水入嚟,喺日本出版嘅機關黨報《民報》亦被查封,日本秘密支持同盟會嘅熱情似乎一時間冷卻落嚟。響呢個時候,大清帝國喺攝政王載灃當政下,政策更加開明,其中頒布全國禁煙係大件事,得到全國人民響應,順帶一提,當大清帝國完全禁止鴉片貿易嘅時候,只有香港仍然繼續販毒,冇辦法,香港就係一個凡事向錢看嘅地方,到咗今日都冇變。

1909年10月5號,南方重要人物張之洞過身,所謂晚清四大名臣(白手套)至此全部瓜曬,一個新時代醞釀誕生。有理由相信,如果唔係保路運動發生,如果載澧唔係罷絀袁世凱,清帝國將會有一個全新嘅面貌出現,邁向君主立憲。大清亡國,忙於保路運動,而要為保路運動負上最大嘅責任嘅人,應該係當時嘅商務大臣盛宣懷。冇錯,都係我常公仔嘅觀點,大清亡國係關盛宣懷蛋牛治!

1909年,革命黨成員紛紛改變戰略,改玩暗殺活動。當中最出名就係1910年4月汪精衞潛入北京,企圖與其他革命黨成員行刺攝政王載灃,可惜事敗被拘捕,本來係要斬首,但係得到肅親王善耆求情,汪精衛改判終身監禁。「引刀成一快,不負少年頭」就係汪精衛被捕之後所寫嘅詩句。

其實一個咁嘅人,又靚仔又有文化又有熱情又有能力,點會成為大漢奸?汪精衛一生人,其實冇做錯啲乜嘢。中日戰爭期間投靠日本人,組織南京傀儡政府。你只可以話佢選擇錯誤,站錯隊跟錯車。以佢自己嘅講法,戰爭期間選擇同日本妥協,只係唔想戰線繼續蔓延增加同胞死傷,而且以當時嘅形勢嚟講,日本嘅軍事力量非常強大,中國人其實冇得打。汪精衛嘅選擇,其實亦都可能係你同我嘅選擇。至於因為咁樣遺臭萬年,同秦檜成為中國歷史上兩個最大嘅漢奸,與其話佢投靠日本人,不如話佢選擇與蔣介石為敵,汪精衛嘅事,遲啲有排講。

但係汪精衛行刺攝政王嘅義舉,加上清帝國內保路運動蔓延,再一次激發起海外華僑對中國革命前途嘅信心,1910年底至1911年,同盟會收到嘅捐款數目大幅上昇,有錢在手,加上革命熱情嘅蔓延,令到好多人同情革命,當中唔少仲係軍人,據說1909年底,就有千幾個士兵,分別響廣州同香港加入同盟會。
極端的年代 58日
捐款源源不絕,黃興同孫文開始策劃廣州起義活動,原本嘅起義時間係1910年2月底,但係2月9號下晝,少數新軍士兵響廣州市內為一啲鎖事同警察發生武裝衝突,起義被逼提早發生,1910年2月12號,革命黨人新軍排長倪映典(1885-1910)率領千多個士兵起義,因為準備唔夠,好快就俾官方鎮壓落嚟,倪映典被殺,依次係廣州黃花崗起義嘅前奏曲,亦即係孫文口裡面嘅「第九次革命」。

但係第九次革命意義重大,因為依一次革命係清朝軍官倒戈清政府,世界上大部份革命嘅成功,都係軍隊嘩變倒戈,唔能夠控制軍隊,即係唔能夠控制政權,當時廣州新軍被革命黨大力滲透,其原因都係同張之洞去世同袁世凱落台有關。

孫文同黃興汲取咗第九次革命嘅教訓,繼續喺廣州軍隊內大力推行革命宣傳工作,經過一年時間嘅周密準備,終於爆發咗1911年3月29號嘅廣州之役,亦即係黃花崗起義,亦即係孫民口裡面嘅第十次革命。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
極端的年代 58日
[img]https://upload.cc/i1/2019/04/16/mbnKjF.png[/img]

【常威近代史】第二部《中國一百年前的第一次改革開放》實體書正式上架!

請大家支持我常公子的近代史寫作計畫,高山流水,沒齒難忘!
極端的年代 57日
【119回:大清亡國關 #腦殘遊記 蛋牛治】

義和團喺山東半島嘅失控,清政府要負上最大嘅責任。其實由一開始已和團只係一場民間暴動,甚至唔係反革命活動,只係失業者同埋貧苦大眾聚集埋一齊搞事,但最後越演越烈,成為一場國際性戰爭,牽涉世界上八九個國家一齊參與,其實根本係歷史上一個大笑話。整個中國歷史,從來未發生過啲咁荒謬嘅事,之後再有一件,響六十幾年後發生,叫做文化大革命。

中國人嘅荒謬行為,要一直去到80年代改革開放之後先至得到顯著改善,改革開放就係同世界接軌,響之前中國人閂埋門自己做自己嘢,用我嘅講法,就係「痴痴呆呆,坐埋一枱」。無論你信又好唔信又好,中國人嘅問題有兩個,第一個係DNA;第二個係知識水平嘅問題。今日中國比較正路,因為民眾嘅知識水平普遍上昇,再講多次,1980年開放改革嘅初期,有人問鄧小平中國人嘅生活水平何時先能夠追上英國同美國?鄧小平答係100年,現在過左40年,睇返今日嘅局面,講真,總結界師鄧小平嘅遠見真係得人驚。

1978年12月18日,無疑係中國人最重要嘅歷史時刻之一,中共11屆三中全會,鄧小平喺會上提出開放改革。講白少少,就係放棄共產主義行資本主義。之前嘅嘢行唔通,行返得嘅嘢,其實冇問題,亦唔係咩奇事。但最奇嘅係,當時中國已經有差唔多有十億人,全民一齊轉向,就響領導人一聲令下,集體順利進行!反映兩件事,第一件係中國人的確好聽話;第二件,就係共產主義根本冇人鍾意……

【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上2000訂戶!打埋開口牌,各位上我條youtube channel睇片,唔該同我睇吓啲廣告,或者click入去兜個圈,畀我賺多少少廣告費,畀啲甜頭我同阿潮繼續經營一條全球廣東話近代史粵語頻道!多謝大家!

http://yt1.piee.pw/EGFEW

https://youtu.be/kj3he61Sc_E

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
新高中出路 55日
#kill#lm #kill#lm #kill#lm
極端的年代 55日
[img]https://upload.cc/i1/2019/04/22/9hwZMC.png[/img]

【常威近代史】(二百一拾五回)
袁世凱平反系列

孫民口裡面嘅第十次起義,即係1911年3月廣州「黃花崗起義」,呢次起義,冇推翻滿清,真正令到滿清政權倒臺嘅,係半年後發生嘅武昌起義。但係武昌起義基本上唔關孫文黃興同同盟會事,孫文某程度上係冷手執個熱煎堆,不過可以肯定,冇黃花崗起義,亦都唔會有武昌起義。

經過第九次革命失敗,孫文同黃興用超過一年時間籌備第十次武裝革命,依一年間,革命黨加強廣州新軍內粵籍士兵嘅思想滲透工作,冇錯,又係廣東佬,講廣東話嘅士兵。所以廣東人一直最鍾意作反。現在中國領導階層,佢哋意識上覺得香港係顛覆基地,覺得廣東人信唔過,中央委員會甚少廣東人參予,就係咁解。

發生響1911年3月27號嘅廣州革命,主要資金嚟自香港商人。同16年前1895年嘅廣州起義(第一次革命)都好相似。戰略上,係油黃興挑選800名「選鋒」、即係革命敢死隊。由香港出發,向廣州發動突擊,同時配合廣州新軍裡應外合發難,攻佔廣州市政府,即兩廣總督衙門。佔領廣州後,利用廣州作革命基地,繼續北上,前赴湖南同長江下游各省份,配合當地嘅革命單位起事,首先以長江劃界,爭取整個南方獨立。

要補充一點,其實當時長江流域各省的革命領導人,好多已經唔再服從孫文嘅權威,各有各做。當中最重要嘅人物係宋教仁,佢雖然仲係同盟會嘅人,但係佢已經唔再服從孫文,佢畀面嘅人係真國父黃興。

至於孫文點解會失去同盟會盟友嘅支持?理由有兩個,第一個係有人覺得孫文嘅戰略唔得,好似泛民咁,十幾年革命行動一路行嚟,唔得就係唔得;第二個係錢銀嘅問題,講真搞革命地下活動條數唔清唔楚亦係常態,好難話邊個啱邊個唔啱?至於成日講有人侵吞革命公款問題,其實更加難搞。人係要生活,生活需要開支,搞革命都要食飯,都要行街搭車應酬請客飲茶灌水按摩沖涼,簡單啲講,就係都要出糧,至於出幾多?大家冇簽約冇白紙黑字講明,其實口同鼻拗。
極端的年代 55日
講返黃花崗起義,黃興今次挑選嘅800個革命敢死隊,已經再唔係以黑社會成員為主。佢哋主要係由海外華人、商販、苦力同知識份子組成,部分藉貫係廣東人,部份係南方省份人士。呢班人,全部以中國革命意識形態為本位,願意為革命、為中華民族而死。黃興嘅partner係光復會嘅趙聲(1881-1911),佢哋聯合指揮前線工作。

我成日抬舉黃興,叫佢做真國父,理由就係每一次革命行動佢都係親身落場指揮,係搦起支槍衝嗰個,從來未試過喺背後搖旗呐喊,真漢子呀!

革命前夕,購自日本、西貢、暹羅嘅軍火首先送到香港,然後秘密運到廣州,四十個互不統屬嘅秘密機關分別設於省城內,方便軍火的轉送,革命黨人仲特別喺廣州開咗兩間米鋪做秘密會址。黃花崗起義有一個更加重要嘅人物要講,就係海豐人陳炯明(1878-1933),即係後來嘅廣東王,當時陳炯明係諮議局嘅議員,佢亦係黃興嘅手下,同盟會成員,革命黨人。係黃花崗起義最重要嘅內應。

4月23號,作為革命總指揮嘅黃興覺得情況好唔對路。吓?本來一場絕對守秘密嘅革命行動,竟然由革命黨人自己四圍唱開曬,當時大部分廣州市民同埋廣州當局已經知道革命會發生?真係咁都得?家陣搞革命唔係開party喎?所以政府急急調嚟軍隊戒備。多得一班豬隊友,於是總指揮黃興被逼喺4月27號提早採取行動……

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
極端的年代 54日
【120回:大清亡國關 #義和團 蛋牛治】

中國嘅問題,其實可以歸結做人口嘅問題。因為人口太多,如果唔可以解決就業問題,人民食唔飽,就會有民變發生。發生喺19世紀中葉嘅太平天國之亂,死2500萬人,其實就係貧窮問題嘅反映。20世紀初,義和團暴亂,其實都係窮人作反。細讀歷史,就會一清二楚,革命通常並唔係解決意識形態嘅問題,大部分革命都係為咗解決溫飽嘅問題。

20世紀初期,中國人口大約有4億,呢個數字去到中華人民共和國1949年建立之前維持不變。真正嘅人口大爆發,發生喺中共建國之後,1953年人口普查,中國人口是6億,去到1982年第三次人口普查,人口已經到達10億,30年內脹咗4億。其實依一個增幅係人類歷史上最大同最罕見嘅;去到2000年第五次人口普查,中國人口數字係12億5000萬,2010年第六次人口普查,人口數字係13億7000萬。但係照外界估算,13億7000萬呢個數字係中國人口嘅巔峰,之後嘅日子,因為90年代嘅計劃生育人口政策會大幅下降,目前中國嘅人口出生率係全世界最低。但係可以想像,未來嘅二三十年,中國要面對人口老化嘅巨大問題,呢個問題唔係一個普通嘅問題。

其實20世紀五六七十年代啲人口大爆發,即所謂戰後嬰兒潮,並唔係單單中國嘅問題,去到21世紀,其實全世界好多國家都要面對人口老化嘅問題,香港都一樣,當成個社會冇生產力嘅老人數目佔大多數嘅時候,其實係一件好可怕嘅事情。香港的未來二三十年,就要面對呢個問題。現在日本面對緊,你睇吓幾大鑊……

【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上2000訂戶!打埋開口牌,各位上我條youtube channel睇片,唔該同我睇吓啲廣告,或者click入去兜個圈,畀我賺多少少廣告費,畀啲甜頭我同阿潮繼續經營一條全球廣東話近代史粵語頻道!多謝大家!

http://yt1.piee.pw/G372X

https://youtu.be/SVOTGTbcmaU

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
極端的年代 53日
[img]https://upload.cc/i1/2019/04/16/mbnKjF.png[/img]

【常威近代史】第二部《中國一百年前的第一次改革開放》實體書正式上架!

請大家支持我常公子的近代史寫作計畫,到書局買本實體書!大家一齊推廣香港人保存粵語文化運動!有你有我!高山流水,沒齒難忘!
新高中出路 53日
#kill#lm #kill#lm #kill#lm
極端的年代 53日
[img]https://upload.cc/i1/2019/04/24/1OGAQ6.png[/img]

【常威近代史】(二百一拾六回)
袁世凱平反系列

1911年4月27日,由於豬隊友爆響口,加上4月13日,馬來華橋溫生才先生,冇通報上頭,無情白事光天化日單拖槍殺廣州副都統孚琦,革命行動曝光。黃花崗被逼起義提早進行!但當時援軍並未完全就位,起碼嚟自香港嘅800個革命敢死隊仲未到廣州。

非常明顯,要響4月27號起事,就要以寡敵眾。但係黃興當時嘅考慮係,如果取消行動,就會失信於捐咗錢嘅香港商人同海外華僑金主,所以佢一定要do。而且當時廣州市內,好多軍人都已經係革命同志。過去一年,革命黨已經係軍隊內部招收咗好多會員,入會嘅人,都有一塊銀洋獎金,並要繳交相片一張,並被通知佢哋嘅相片會交送香港統籌部,令佢哋革命者身份更加確鑿有據。當然事後睇番,唔少人入會,係純粹因為嗰一塊銀洋。

27號當日,農曆三月廿九。原本嘅計畫喺由800個先鋒隊員配合市內人馬,分10路進攻廣州市內各政府單位;由於先鋒隊未到,所以10路變為4路,但最後真係行動嘅時候,除咗黃興自己一路130人革命軍外,其他三路睇到唔對路,都冇配合起動!

因此,其實「三二九」黃花崗起義,就只有黃興帶領嘅130兩友,進攻當時嘅廣州都督府,即兩港總督衙門。由於政府官員一早已經收到風,所以當時廣州總督張鳴岐同其他重要官員已經閃咗。革命黨人一度短暫佔領兩港總督衙門,放火之後離開。行到東轅門,遇上清兵,雙方駁火,黃興右手中彈,失去食指同中指!

之後戰火迅速蔓延全城,好快就畀政府軍撲滅。到咗28號早晨,當趙聲、胡漢民同其他革命援軍到達廣州嘅時候,起義已經喺前一日失敗咗。起義結束,死咗72個革命黨人,佢哋就係黃花崗72烈士。

革命本身就係浪漫嘅,斷咗兩隻手指負傷嘅黃興,響27號晚退到珠江南岸郊區一個秘密地點療傷,響嗰度,一位自1908年就係同盟會積極工作嘅女同志徐宗漢(1876-1944)替佢包紮傷口。3日後,4月30號,佢同徐宗漢脫險抵達香港,去到上環荷李活道雅麗氏紀念醫院(Alice Memorial Hospital),香港首間為貧苦華人提供西醫治療嘅醫院,亦即係那打素醫院前身接受治療,入院嘅時候徐宗漢以黃興妻子身份簽名,之後,黃興更加同徐宗漢真正結為夫妻,真係浪漫到了極點……順帶一提,黃興當時已經有老婆仔女,佢老婆叫廖淡如,住響湖南長沙。
極端的年代 53日
黃花崗起義,係1911年同盟會傾盡人力物力發動嘅一場真正革命,亦係革命黨人真真正正喺大城市發動嘅一場武裝起義。實際效果當然係唔得,但係宣傳效果就勁到爆炸,黃花崗起義之後,全清國革命人士紛紛效法同響應,革命思想遍地開花,終於半年後,發生武昌革命,成功改朝換代,推翻滿清政權。

同盟會內理論家胡漢民佢對廣州起義嘅評價如下:

「然為義而動,有進無退,諸烈士甘死如飴,至不復有成敗利鈍之見,以表示革命黨犧牲偉大精神於天下……至於武昌振臂一呼,而天下皆應,則正以三月二十九之役爲之先聲。故從革命總體為之衡量,此役雖失敗,而其功乃較戰勝得地者百倍過之,今日已可定輪矣。」(註)

孫文更咁樣講:

「是役也,碧血橫飛,浩氣四塞,草木為之含悲,風雲因而變色,全國久蟄之人心,乃大興奮。怨憤所積,如怨濤排壑,不可遏抑,不半載而武昌之大革命以成。則斯役之價值,藉可驚天地,泣鬼神,與武昌革命之役並夀。」《黃花崗烈士事略序》

「是役也,集各省革命黨之精英,與彼虜為最後之一搏。事雖不成,而黃花崗七十二烈士轟轟烈烈之慨,已震動全球,而國內革命之時勢,實以之造成矣。」《建國方略.心理建設》

孫文嘅文筆,真係唔錯。

註:《胡漢民自傳》,國民黨黨史委員會主編《革命文獻》第三卷,臺灣,1953,P39-40

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
戸山香澄 52日
O:-)
極端的年代 52日
[img]https://upload.cc/i1/2019/03/26/yDaU2c.png[/img]
極端的年代 52日
[img]https://upload.cc/i1/2019/04/16/mbnKjF.png[/img]

【常威近代史】第二部《中國一百年前的第一次改革開放》實體書正式上架!

請大家支持我常公子的近代史寫作計畫,Facebook專頁、Youtube、電子書、實體書,我希望用唔同嘅新媒體,令香港人或用粵語為母語嘅朋友認識或加深對近代史嘅認識,過程會好艱辛,但係我唔向左走向右走怕,我會努力落去,直至寫到王光美接劉少奇骨灰為止,我會用我嘅母語廣東話,寫下香港人眼中嘅近代史,為香港人響歷史上留下一個小小腳印。

請大家支持我,到書局買本實體書!download咗電子書嘅朋友,亦請多買幾本實體書,送禮自奉,大家一齊推廣香港人保存粵語文化運動!有你有我!高山流水,沒齒難忘!
極端的年代 52日
【121回:大清亡國關 #八奇 蛋牛治】

陳果嘅《火鳳燎原》係我最喜歡嘅香港漫畫,漫畫裡面有八個軍師,叫做八奇。八奇嘅思考方法都係超越凡人,佢哋能夠用凡人冇辦法接觸到嘅角度去睇事物,從而做到運籌帷幄,處處領先。響現今世界裡面,似乎真係存在住呢一類人物,佢哋能夠脫離普羅大眾嘅眼光去觀察事物,睇穿世界嘅真象,知道世界嘅真正遊戲規則係乜嘢。當然,佢哋能否發達?又係另一回事。

佔中案宣判,戴庭耀入獄,香港踏入全新階段。響未來,政治檢控會否成為常態?我諗都好大機會。香港作為一個自由嘅城市,亦都會成為過去式。未來會變成點?冇人會知。聽日嘅恒生指數升定跌?亦都冇人可以肯定。對於未來,容許我引用我偶像磁力王霍布斯邦嘅說話去講,佢咁講,對於未來,佢並唔知道會變成點?但係可以肯定一句,「歷史將會朝住更差嘅方向發展」。電影《星際啟示錄》亦都提過一條「梅菲定理」(Murphy's Law),具體內容係話「任何可能會出錯嘅嘢,都會出錯」。

香港早已經出錯,97年前我哋設想嘅最壞情況亦都相繼出現,其實一啲都唔需要覺得奇怪。對事物抱住美好嘅願景,只係人間嘅一廂情願。現實始終係現實,森林法則,係弱肉強食,我哋可以做到嘅,有時候只係可以保護自己。淪為禽獸,當然非人所願,但係活喺一個四周圍都係禽獸嘅森林裡面,唔成為禽獸,就只會成為禽獸嘅食物……

【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上2000訂戶!打埋開口牌,各位上我條youtube channel睇片,唔該同我睇吓啲廣告,或者click入去兜個圈,畀我賺多少少廣告費,畀啲甜頭我同阿潮繼續經營一條全球廣東話近代史粵語頻道!多謝大家!

https://user35103.pics.ee/GN7BB

https://youtu.be/0ZV1A8SPz3A

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87
跳到頁尾