[bouncer]up緊,就快得

發表失敗
發表失敗
原因: 確定
conc 2240日
青雲路

網絡世界一向疑幻似真,但這條虛實的界線,近年漸漸被高登討論區打破。先有高登仔賣小丑神、腦魔公仔;後有高登炸雞店、高登雜誌、神獸咭等出現,全部叫好叫座,只要是高登出品,必受一眾巴絲打(brother and sister)追捧,名利雙收。
筆名小姓奴、27歲的巴打阿晨,活躍於高登講故台3年,專寫情色小說,極受巴絲打歡迎。今年書展,他將自己的網上小說集結成《小甜回憶錄》,講述自己3段愛情故事,成功賣破千本,銷量直迫職業小說作家,原來認真並不一定輸!

書展期間,會場內保安員正在驅趕一個未經申請的簽名會,但現場過百書迷一於少理,他們等待的主角,正是《小甜回憶錄》作者小姓奴(阿晨)。下午5時,阿晨終於現身,書迷一湧而上,偶像簽名在望,卻傳來壞消息:「簽名會太多人又冇申請,俾大會投訴,要臨時取消,淨可以派簽名書籤同影相。」「真的憤怒鳥!」等候半小時的高登巴打Tidus用網絡潮語向記者抱怨。
群情洶湧,阿晨和出版社人員不敢怠慢,速派約5百張簽名書籤,兼與在場讀者不停合照。30分鐘後,人潮減退,阿晨才開始為讀者簽名和閒聊。簽名會雖有點虎頭蛇尾,但阿晨卻興奮地說:「第一次出書同搞簽名會,雖然唔可以同全部讀者簽名,有啲可惜,但好開心都簽到2、3百本,估唔到咁受歡迎!」

情色兼備俘虜網友

高登術語中,「甜故」即色情故事,由08年開始,阿晨以「中出即飛俠」、「小姓奴」、「認輸就真了」、「2nd Joe」等網名發表多部甜故,「04年喺理大設計系畢業後,我喺間旅行社做老闆嘅助理,收入2萬零蚊,主要陪老細見客、請人、度橋等,生活有啲無聊,於是開始喺網上寫故仔。其實唔想寫色情故仔,但高登以男性為主,要吸引人睇故,一定要寫甜啲做綽頭,最終留住讀者嘅,都係入面嘅愛情故事;至於用唔同名創作,係想證明自己即使開新account,啲故一樣受歡迎。」 3年發表十多篇網上小說,總字數超過50萬,題材廣泛,有荒誕搞笑的《打J俾個妹見到》、情感細膩的《當愛遇上IQ153》、亂倫破格的《我同二家姐一段不可告人嘅越軌關係》,不少巴打懷疑劇情真偽,阿晨解釋:「細個時我鍾意睇彭浩翔同深雪嘅書,但家好多年都冇睇書,作故仔嘅靈感全部係真人真事改編,除咗自己啲情史,亦有朋友嘅經歷,好似我書內成日提到嘅一位朋友乙,佢屋企幾乎壟斷曬香港酒店嘅吊燈生意,有錢到可以
conc 2240日
佢屋企幾乎壟斷曬香港酒店嘅吊燈生意,有錢到可以波子、玩model,我有唔少故仔都取材於佢。」阿晨表示,高登寫故仔要受歡迎,標題非常重要,「有個故仔我出咗兩次post,第一次個名好平凡,冇人留意;第二次我用新account重出,標題改做《80後二世祖的性生活點滴流出》,即刻好受歡迎!有網友鬧我抄故,其實我係自己抄自己。」將色情與情色寫得出神入化,成功俘虜一班巴絲打成為粉絲,成為講故台紅人,每次連載小說,必定被「推爆post」。

重新修書不停走甜

香港被批評為文化沙漠,埋葬了不少作家夢,阿晨成為小說作家,卻是無心插柳,「以前有出版社聯絡過我,但要我合資出版,我當寫故仔係興趣,冇打算自己畀錢出書。」直到今年6月,才敲定將作品輯錄成書,「萬象公關嘅Erik本身喺高登睇開我啲故,佢提議由我出作品版權,佢哋負責製作同宣傳,再搵出版社去出書,我唔使出錢,又有份製作,於是決定試。」為趕及書展開售,阿晨只有20日時間修改作品,沒有出版經驗,過程相當困難,「網上版又鹹濕又多粗口,我唔想出本4級書,惟有刪減太過火嘅劇情,不斷改錯字同標點,晚晚瞓得3、4個鐘。」讀設計出身的阿晨,亦參與作品的美術設計,「書嘅插圖都係當時影落嘅真實相片,而封面模特兒戴住條頸鏈,係我由form 1戴到家,我送過一條一樣嘅畀其中一位女朋友,好有紀念價值。」阿晨的小說早於高登講故台發表過,要吸引網友買實體書,一定要搞搞新意思,「寫《對不起,她叫Sonia》時,俾當時嘅女朋友發現,搞到要分手,女友唔鍾意,我冇再寫,於是個故事爛咗尾,今次出書會補番呢個未完嘅結局。」巴絲打們等了2年的結局終於面世,當然肯乖乖購買。

我係阿晨嘅讀者,約佢出嚟傾出書,一晚就傾得成。阿晨寫咗十幾個故仔,揀呢3個出書,係因為最合乎到出版尺度;其他故事,好似《我同二家姐一段不可告人嘅越軌關係》咁,雖然我都覺得好好睇,但劇情講亂倫,要再研究先知出唔出到。
你我私隱線 2240日
conc 2240日
高登巴打力撐
我係小姓奴嘅fans,最鍾意佢網上寫嘅《80後二世祖的性生活點滴流出》,覺得佢寫嘢一時搞笑、一時文藝,好有創意,今日專登為佢個簽名會而嚟,冇得拎簽名真係有啲失望,我真的憤怒鳥!

我睇開外國小說,冇乜留意香港作家,幾個月前開始上高登睇小姓奴作品,覺得佢寫嘢好真實,好貼近時下年輕人,睇完佢啲小說,知道佢好多故事,今次見到佢真人,好似見到個朋友咁熟悉。

新增內容吸引讀者
當年因阿晨的寫故事而分手的女友,即第3個故事女主角殷渝淨(化名),更為他的新書寫後記,「我最鍾意同佢個故事,有佢個後記,成本書更圓滿,可惜女人總係覺得隔籬飯香,佢係都要話Sonia個故仔先最好。」對於女主角出山支持,網友一致讚好,巴打「閒角」誇張地留言:「不得了!真是太期待,很想看看神的文筆和嘗試瞭解她的意境啊!」書展前3日,阿晨在高登發「小姓奴的出版前72小時自白」的貼文,公佈出書消息,得到近千高登網友正評和留言,絲打貓老師表示:「小姓奴,係咪去書展就買到大作?如果係,我願意為你入場!」出書後,阿晨更在網上聲言,只要facebook專頁儲夠3千個likes,他便會到場舉行簽名會,網友們亦於兩日內迅速達標,終於出現書展簽名會上的熱鬧場面。首批《小甜回憶錄》投資約4萬元,印書2千本,書展中賣出千多本,剩餘的將會在各大連鎖及樓上書店出售。依合約所定,阿晨分得的版稅為書價的10%,估計分到約1萬,但他並不介意收入多寡,「我鍾意網上寫故多啲,因為同讀者多啲互動,出書係業餘興趣,唔會要嚟搵食,有錢賺咪當bonus。」一戰功成,11月他將會再次狙擊,「計劃緊出《小甜》第二彈,不過內容係乜暫時十劃未有一撇。」網上作家銷書千本,在香港文壇的確少見,高登力量的確神奇!

《小甜回憶錄》
作者:小姓奴出版社:集思出版有限公司售價:$78 內容簡介:《小甜回憶錄》是高登巴打小姓奴的戀愛回憶錄,內有《對不起,她叫Sonia》、《愛你相距16個小時》、《當愛遇上IQ 153》3個故事,為講故台首部推出實體書的小說,亦是香港少數成名的網絡小說。

想出小說可以點?
想出書的話,可參加各大出版社的自資出書計劃。以明報的「出版同行」計劃為例,作者付出約4萬元,並遞交作品文字檔,出版社便會負責校對、美術、封面、發行等工序,作者可分得書價4成收入,假設書本定價$60,要賣出約1,700本,作者方可回本,對
conc 2240日
作者方可回本,對冇知名度的作者而言,難度相當高。資料:明報網上書店 http://books.mingpao.com

中文作家銷量

只是書展,《小甜回憶錄》賣出過千本,成績相當不俗,其實香港有不少知名作者,每本小說銷量只是3、4千本。以下作品的銷量是書展加各大書局賣出的數量。
1.《寂寞寂寞就好》 約2,600本作者:王貽興 出版社:日關堂
2. 《臨界紀年‧爵跡I》 約1,200本作者:郭敬明 出版社:明報
3.《或許,我們只是剛好遇上》約6,000本作者:鄭梓靈 出版社:皇冠出版社(香港)有限公司
4.《人生拍賣會3驕傲之旅》 約4,200本 作者:深雪 出版社:青馬文化
5.《隱》 約4,000本作者:林詠琛出版社:青馬文化 資料由藝文圖書提供

後記:靠MSN談情?

《小甜回憶錄》內有不少阿晨和女主角用MSN風花雪月的劇情,他表示:「家好少人會有心機打中文,所以好欣賞中文叻嘅女仔,拍過3、4次拖,女友都有一手好文筆。」作為不上網會死的一代,記者和女友3年來仍日日MSN,不禁會心認同,肯寫字的女仔特別吸引。
書展當日,當人潮退卻時,阿晨再次出動為讀者簽書,一班專程而來的網友迫滿攤檔。
書展時,有過百fans參加阿晨的簽名會,因人數過多而被迫腰斬,為安撫讀者,即場派發簽名書籤。「成5百張簽到手軟!」
conc 2240日
書中女主角殷渝靜,因發現阿晨在網上寫甜故而分手,阿晨亦將與她的情史收入書中,「最近我出書,想搵佢寫序,先至見番面。」圖為他們去菲律賓宿霧旅行時攝。

彈結他是阿晨的喜好,「以前有出過碟,但隊band散咗冇下文,家玩緊隊叫『雲卷雲舒』嘅rock band,所有曲詞都係我自己作,主要講捕鯨、墮胎、破碎家庭等社會問題。」

理工大學是阿晨的母校,亦是她與第一個故事的女主角Sonia邂逅的地方,現時他重返學園,攻讀社會學master。

小甜回憶錄的封面,模特兒所戴的,是跟足阿晨十多年、兼與女友定情的頸鏈。

阿晨最高興是有網友和家人支持,「我阿媽勁開心,周圍同人講,不過老豆喺上海做生意,係個大忙人,佢覺得我出小說只係做緊細路仔嘢。」
狙魔俠 2240日
[quote書展期間,會場內保安員正在驅趕一個未經申請的簽名會,但現場過百書迷一於少理,他們等待的主角,正是《小甜回憶錄》作者小姓奴(阿晨)。下午5時,阿晨終於現身,書迷一湧而上,偶像簽名在望,卻傳來壞消息:「簽名會太多人又冇申請,俾大會投訴,要臨時取消,淨可以派簽名書籤同影相。」「真的憤怒鳥!」等候半小時的高登巴打Tidus用網絡潮語向記者抱怨。
群情洶湧,阿晨和出版社人員不敢怠慢,速派約5百張簽名書籤,兼與在場讀者不停合照。30分鐘後,人潮減退,阿晨才開始為讀者簽名和閒聊。簽名會雖有點虎頭蛇尾,但阿晨卻興奮地說:「第一次出書同搞簽名會,雖然唔可以同全部讀者簽名,有啲可惜,但好開心都簽到2、3百本,估唔到咁受歡迎!」 [/quote]
633 2240日
香蕉咬大棍 2240日
黑洞屎 2240日
死啦
咪當我透明 2240日
原來中出即飛俠係佢
《打J俾個妹見到》呢個故真係我的最愛
Gaussian 2240日
有無link 錯過哂
藍眼睛的白貓 2240日
幪面加菲貓 2240日
嘩正呀喂 2240日
想買佢本書,仿間有無?
筆能治己 2240日
Gaussian 2240日
想買佢本書,仿間有無?

爬文啦 有呀
發配三千里 2240日
有才能既人始終發到圍...
柒頭四 2240日
原來佢就係中出即飛俠阿勝

想當年佢一句叫阿媽去昇盤痾尿, 我笑拎到反肚
wacder 2240日
有才能既人始終發到圍...


要加埋高登依個平台
咪當我透明 2240日
原來佢就係中出即飛俠阿勝

想當年佢一句叫阿媽去昇盤痾尿, 我笑拎到反肚

我仲成個故SAVE低左
水在瓶 2240日
想買佢本書,仿間有無?

爬文啦 有呀


好彩去左書展買左 商務大眾都未見有
BTW
果日去到都冇得簽 結果係等耐D有 蔡加奴又遲到
Gaussian 2240日
有無link 錯過哂

http://evchk.wikia.com/wiki/小姓奴
搵到 貼埋算
柒頭四 2240日
原來佢就係中出即飛俠阿勝

想當年佢一句叫阿媽去昇盤痾尿, 我笑拎到反肚

我仲成個故SAVE低左


最尾仲要傻豬勁跳窗死拎左真係笑到HiHi

早知係佢我都買本支持回味下
明天會更好人 2240日
lm
做個快樂人 2240日
跳到頁尾