[bouncer]up緊,就快得

發表失敗
發表失敗
原因: 確定
軟膠水 1429日
以下係一個關於鬼仔既虛構故事,關於鬼仔既內容未必全部準確

叮噹,叮噹」難得有一日放假,邊拎個咁早搵我?

「你好啊,請問係唔係黃生啊,我係速遞公司員工,有份包裹比你架,麻煩你簽一簽收。」

「好啊」我報以一個禮貌既微笑,心中卻不停Hi畢速遞公司點解朝早8點送個包裹過黎,擾人清夢

收到包裹後,我急不及待拆開,心諗可能係之前參加抽獎中左既獎品,亦都可能係我係加拿大既屋企人寄野比我

點知一拆果時......嘩Hi!咁拎核突既,原來係鬼仔...仲有一塊寫滿咒語既紅布包住。

一枝裝住一個黑木公仔既屍油.....原本以為係電視先見到既野,依家竟然出現係我眼前!

7月14先搵d咁既野搞...我隻腳震到郁唔到,額上流下一滴滴冷汗......幾個字後先回到神

依一刻,我心入面諗依個鬼仔係堅定係流?我係咪比人玩?

如果比人玩既話係邊個玩我?我大學老死peter?係公司死對頭paul?定係我表哥震雄?

我真係睇唔清,我睇唔透,但係依家有一個難題就係我要點處理依個鬼仔?

如果係假野當然可以就咁掉左佢啦,但如果係真野,我諗最小起碼都要搵師父請走佢,當係做下好心,費時比隻鬼仔搞。

為左快快手手搞掂佢,我立即call我老媽子叫佢比佢個老死個阿哥既電話我,人稱龍哥既龍師父叫佢幫我搞搞佢,

「喂,龍哥阿,我係陳姨姨個朋友個仔啊,記唔記得我啊?」

「哦記得,果個170都冇既後生仔啊嗎,晨早流流搵我咩事?」龍哥好似未訓醒咁樣

「真係唔好意思啊,阻住你訓教,是咁的我收到一個包裹,入面有一枝裝住一個黑木公仔既屍油,我估係鬼仔,我想你幫我睇下佢係堅定流?」

「咁大獲!竟然有人會寄依d比你,得得得,你立即去我屋企,我幫你睇睇!」
軟膠水 1429日
老老實實,我一直都好怕神怪野,縱使有龍師父拍心口話幫我睇睇,我都係驚到唔敢自己一個搭lift,只係企係到等足10分鐘見架lift有人,我先敢搭。

落到街,我老拎都唔理就跑去的士站搭的士「唔該,大埔桐梓,快馬唔該!」

的士佬見我咁趕,不禁嘲笑道:「後生仔,趕住投胎啊?」

我冇咁好氣答佢,只係對住佢笑一笑

之後佢就不停係20分鐘車程入面講佢既人生道理,話做人咩情況都好,都最緊要淡定......當然我都一言不發,唔想理佢

係果20分鐘車程,我個心充滿不安,只想好好搞掂依單野,亦都希望隻鬼仔只係假野......

到左桐梓時,的士佬?於講佢最後一句仲要比張卡片我:「後生仔,你我可以相見都叫做有緣,?!依個係我電話,得閒搵我傾下計啦,88!」

我心諗,咁奇怪架依條友,但係我都冇再放心思係佢身上。

落車後,我立即跑去龍師父屋企門口之後大力拍門大叫:「龍師父!龍師父!我係阿強啊,開門啦,我就死啦!!」

龍師父好快就開門:「得啦HiHi,門都比你個好樣拍穿啦,入黎啦!唔駛除鞋啦」

一入到屋後,我立即拎隻鬼仔比龍師父睇睇
軟膠水 1429日
「你坐係到等等先,我依家幫你睇睇」之後龍師父就入左房搞左一輪

十幾分鐘後,龍師父出番黎,神情嚴肅地道:「阿強,依枝野的確係裝住隻鬼仔,而且仲係邪鬼仔,法力高強,怨氣極重,多數只有黑巫師先會製造,好彩既係佢仲未開光
我比較易請走佢」

我心頭一震,心諗邊個寄依味野比我咁賤格呢?但出於好奇心下我再追問:「咁邪鬼仔有咩野作用架?」

「作用就大啦,可以幫你係事業、金錢、健康、人緣上都有正面作用,你仲可以叫佢幫你做你想做既事」

事業、金錢?正正係我冇既野,我入左公司3年先加左1千人工,仲要比上面班老野食住野,有功勞佢地領,有班就係我加,如果有朝一日我可以食住佢地就好啦!

依個時候我心生邪念:「係唔係叫佢幫我做咩都得?」

「理論上都係既。」

咁姐係話我想升職,加人工都可以輕易達成啦,依個時候面對咁吸引既條件,我忍唔住地問:「我可唔可以收養佢?」
彼岸憧憬 1429日
我寄架
高下立見 1429日
好似幾正
留名幫推
高下立見 1429日
「你坐係到等等先,我依家幫你睇睇」之後龍師父就入左房搞左一輪

十幾分鐘後,龍師父出番黎,神情嚴肅地道:「阿強,依枝野的確係裝住隻鬼仔,而且仲係邪鬼仔,法力高強,怨氣極重,多數只有黑巫師先會製造,好彩既係佢仲未開光
我比較易請走佢」

我心頭一震,心諗邊個寄依味野比我咁賤格呢?但出於好奇心下我再追問:「咁邪鬼仔有咩野作用架?」

「作用就大啦,可以幫你係事業、金錢、健康、人緣上都有正面作用,你仲可以叫佢幫你做你想做既事」

事業、金錢?正正係我冇既野,我入左公司3年先加左1千人工,仲要比上面班老野食住野,有功勞佢地領,有班就係我加,如果有朝一日我可以食住佢地就好啦!

依個時候我心生邪念:「係唔係叫佢幫我做咩都得?」

「理論上都係既。」

咁姐係話我想升職,加人工都可以輕易達成啦,依個時候面對咁吸引既條件,我忍唔住地問:「我可唔可以收養佢?」

HiHi仔
自信的奇蹟 1429日
快?
霸氣賓州仔 1429日
幾正咁
軟膠水 1429日
面對我突然既提問,龍師父顯然不知所措,只係苦笑一下

當我再次追問時,龍師父先肯出聲回答:「你諗清楚未?養鬼仔唔係你諗得咁簡單,一個唔好彩,可能會招致殺身之禍加上你咁驚神怪野,你叫隻鬼仔點同你依個老豆
溝通?」

「冇問題啦,只要龍師父你肯教我養,我相信問題不大,怕鬼依樣野可以慢慢克服姐,加上我識大把師奶都係養鬼仔保平安,促財運啦!」

此刻,為左用鬼仔去達成目標既我經已天不怕地不怕了

「咁點同呢,師奶養鬼仔大多數都係古曼童,姐係果類油鬼仔,油仔像,一般係冇咩傷害性,你唔養都可以叫師父送走佢,相反你依家果隻邪鬼仔係叫做降頭鬼仔,
製成方法係活生生從孕婦肚中取出死嬰,胎盤,再以火燒制油,骨成灰,嬰魂收入黑木公仔,由於母親被殺,自己又被巫師咒語所困所以怨氣極重,極危險,而仲係
易請難送!」

「我主意已決,我希望依隻鬼仔可以幫我轉運,龍師父唔該你教下我點養佢。」

龍師父見到我咁有決心就決定教我養依隻邪鬼仔,而我當然係好緊張,而且仲記低每一個重點

「你要記得養鬼仔記住要將佢放係第一位,食飯要比套碗筷佢,要買玩具比佢,仲要出門都要同佢講一聲,而且鬼仔係有眼冇珠,不分黑白,我一開光之後,佢就會只
聽命收養者,仲有最重要就係依一塊紅布,有咩時你就拎佢去包住隻鬼仔,咁樣佢就可以永不超生,依樣都係佢會?命你既原因,而你拎番去養果頭七日要日日以血
供養,之後就逢初一,十五比血佢就可以啦。」

「收到哂,唔該你啊師父,我知點做架啦!」
軟膠水 1429日
推一推先,希望大家多多支持
古乳有暈 1429日
支持
樣子奇俠 1429日
Esme 1429日
你係咪係淘寶比過差評呀?
軟膠水 1429日
你係咪係淘寶比過差評呀?

Paradoxes 1429日
會唔會一陣隻鬼仔係女黎,跟住Hi鬼?
睇個頭唔似純鬼故
軟飯達人 1429日
我寄俾你嫁
軟膠水 1429日
會唔會一陣隻鬼仔係女黎,跟住Hi鬼?
睇個頭唔似純鬼故

唔係純鬼故,但唔會Hi鬼咁重口味
反雲黨有咩講 1429日
留名
社民連詩雅 1429日
會唔會一陣隻鬼仔係女黎,跟住Hi鬼?
睇個頭唔似純鬼故

唔係純鬼故,但唔會Hi鬼咁重口味

可能係鬼正太育成
一陣隻鬼仔好靚仔,跟住Hi鬼
利申:gay
社民連詩雅 1429日
在樹林深處,老木的樹蔭向外伸展,我們坐在灰白的孤墳上,陣陣陰風拂面而過。一個身穿黑衣的男孩向我淺淺一笑 血紅色的瞳孔沒有令人不寒而慄。尖尖的臉形,高而小的鼻子卻顯得他充滿氣質,很清秀。

他從後抱著了我,溫柔地掃了一下我的頭髮。陶醉地躺了在我的肩上。
巴打接力
無敵山雞 1429日
留名
彼岸憧憬 1429日
的士佬係高人
彼岸憧憬 1429日
評就正左
出快啲唔該
MasterJoe 1429日
其實仲發緊夢
海意翔 1429日
留名跟進
脆肉鯇魚 1429日
跳到頁尾