《壹週刊》- 陳展鵬　變節後遺症

乾權

21/7/2011 18:12

陳展鵬　變節後遺症

好男好女

無綫劇集《真相》紅了陳展鵬，他在劇中演斯文大狀，有腦有情入晒屋，成功俘虜妹及師奶，前者以為他是新人，後者一睇就認得他做過亞視人，只是說不出名字。
曾是香港乒乓球代表隊但中途變節的他，轉投娛圈霉足十七年但仍企硬唔走，終於捱到有出頭天，但事業的折騰已令他有點戰戰兢兢，即使有傳媒爭約做訪問，同事睇好他在台慶攞獎，但陳展鵬回想當日被人奚落，猶有餘悸，「行出來無人影，完全當你隱形，hard feeling令你死好多細胞。」

反覆

在鏡頭前的陳展鵬，一臉唧也不笑，他解釋說：「成日扮呢個扮嗰個，變咗少少藝術家。」影完相，他收起酷爆表情，展現笑容，還客氣得叫記者稱佢做展鵬或煎pan，即使放假，他亦不介意用來做訪問，全情投入工作。

《真相》收得，同事估他今年可能在萬千星輝頒獎禮上獲獎，他淡然說無諗過拿獎項。「在香港男主角一定要演正路角色，有獎攞反而局限你演某些角色。」攞了獎，在《真相》中著泳褲露胸肌的鏡頭一定no way。他最激一次是，主持亞視的旅遊特輯時露股罅全裸浸溫泉，「我做旅遊節目唔想用好主持嘅形式去表達，我用第一身去體驗個感覺，點會圍晒毛巾。」

展鵬好抵得諗，事實上亦不輪到他太挑剔，因為他開始入行不順利，既然決心再返娛圈，就要蝕底少少搏大回報。他九四年十七歲入無綫訓練班，九六年一次唱K遇到Blue Jeans的蘇德華，蘇覺得他唱歌有天分，引薦他簽了寶麗金，出過《快快》、《迷你》、《拉拉扯扯》和《天性如此》四首歌，更跟過劉德華、學友和黎明一齊宣傳，一度被喻為陳曉東接班人，少年版劉德華，作為新人怎會不輕飄飄！「十幾廿個記者不斷影相，當時廿歲個樣已經好chok。」但寶麗金變身環球唱片，陳展鵬未出大碟已被放棄。

無公司做後台，人人當他透明，「好似㩒掣三百六十度變晒，行出來無人影，hard feeling令你死好多細胞，一定會唔開心，有段時間係驚出席function。」他之後拍過電影、電視劇，甚至落地盤學做裝修工程，最後踩釘，隻腳腫了才停，事業上就這樣浮浮沉沉了三至四年。「當時個人好虛唔實在，只係母親生我個外形樣貌都OK，可以在這行生存，但無方向目標。」普通人晨早走人，陳展鵬卻死心不息堅持在這行發展，○二年他入了亞視。

乾權

21/7/2011 18:13

無say no

不死心，相信和他是乒乓球運動員有關。他十三歲開始在香港體育學院接受乒乓球訓練，訓練了五、六年，曾是香港乒乓球代表隊。不過他覺得離開球隊的決定是錯，所以今次他不會貿然離開娛樂圈，「當時高層有變化令教練也提早退休，我都幾憤世疾俗，咁就同教練講我唔打，過咗五、六年後，見住師弟攞香港冠軍，個個做教練搵可觀數字，有埋自己波樓，就問自己點解嗰一刻放棄，點解唔堅持，太過感情用事。」所以今次他點都要返電視台重新開始，不討好的反派角色他也嘗試，「入到電視台一份糧，乜都唔好諗耷低頭就學，十個有十個角色都反派時，唔多唔少有反感，但我唔會再諗，否則投入唔到去演。」

擦鞋上位

○八年他再返無綫，等了三年，卅四歲的他終於憑《真相》彈出，算不算苦盡甘來？「我唔覺，身邊有好多朋友在這個圈，都係默默耕耘。」當年紅不到，現在成功跑出，有說他上至監製下至PA都照冧，經常上七樓製作部搵監製擦鞋，又請幕後飲茶，勁有禮貌識做人。「我無專登擦鞋，只係細個daddy教我要有禮貌，唔叫人會打，慢慢習慣咗呢樣嘢。我格言是長輩要尊敬，同輩要尊重，後生過自己要多溝通，我哋也可以在八、九十後學到好多嘢。擦唔擦鞋？有冇上七樓？我一個月都唔知上唔上到兩三次，一個人對上中下都係咁，會唔會佢本身性格都係咁？」不過大家最關心他是否為上位與吳卓羲反面不和？他圓滑地說：「唔係，我哋日日開工食飯。無緋聞證明你個人無知名度，有緋聞係開心，但希望唔好愈描愈黑傷害其他人。」

[img]http://pda.atnext.com/isilo/images/next-photos/NextMag/1115/160pixfolder/S1115_049_DSC_9955.jpg[/img]

[img]http://pda.atnext.com/isilo/images/next-photos/NextMag/1115/160pixfolder/S1115_049_DSC_9955.jpg[/img]

有一段時期，煎pan去function無人搵他做訪問，「當時真係好慘。」

[img]http://pda.atnext.com/isilo/images/next-photos/NextMag/1115/160pixfolder/S1115_049_3504224.jpg[/img]

○四年介紹台灣溫泉之旅時，他露半股瞓身「體驗」。

[img]http://pda.atnext.com/isilo/images/next-photos/NextMag/1115/160pixfolder/S1115_049_12271520.jpg[/img]

《真相》中陳展鵬與黃浩然（左）和楊怡（中）一齊孭重飛。

[img]http://pda.atnext.com/isilo/images/next-photos/NextMag/1115/160pixfolder/S1115_049_IMG_5932.jpg[/img]

傳無綫新劇《ATF》由陳展鵬擔大旗，吳卓羲因戲分也不夠他多而不和。

ht

乾權

21/7/2011 18:13

[img]http://pda.atnext.com/isilo/images/next-photos/NextMag/1115/160pixfolder/S1115_049_DSC_9822.jpg[/img]

父母替他改名展鵬，他說：「佢哋希望我出人頭地，我都希望做到佢哋期望。」

[img]http://pda.atnext.com/isilo/images/next-photos/NextMag/1115/160pixfolder/S1115_049_DSC_9846.jpg[/img]

陳展鵬沒因紅而驕，「中了jackpot是一種幸運，但自己不會唔同咗。」

[img]http://pda.atnext.com/isilo/images/next-photos/NextMag/1115/160pixfolder/S1115_049_mv2.jpg[/img]

九八年寶麗金年代，陳展鵬與仲未做千億新抱嘅徐子淇一齊拍《天性如此》KTV。

[img]http://pda.atnext.com/isilo/images/next-photos/NextMag/1115/160pixfolder/S1115_049_image_2_.jpg[/img]

身為港隊代表的他，曾獲取無數乒乓球獎項。

http://pda.atnext.com/isilo/images/next-photos/NextMag/1115/160pixfolder/S1115_049_jinpang.jpg
小時候的陳展鵬穿西裝學人擺甫士。

http://pda.atnext.com/isilo/images/next-photos/NextMag/1115/160pixfolder/S1115_049_10243116.jpg
他的前女友有前亞姐冠軍姚佳雯，「我依家無拍拖。」

刊於1115期《壹週刊》

寸巴打的惡魔

21/7/2011 18:21

《壹週刊》都幾正氣架喎